काठमाडौँ, फूलपातीको अवसर पारेर फिल्म ‘मैझारो’मा समावेश गीत ‘तिमीलाई के थाहा सानु’ सार्वजनिक गरिएको छ। गीतमा मुख्य कलाकार धिरज मगर र मिरुना मगरलाई प्रेमील जोडीका रूपमा प्रस्तुत गरिएको छ।
गीतमा अनमोल गुरुङ र अस्मिता अधिकारीको स्वर छ भने शब्द–संगीत अनमोल गुरुङकै रहेको छ। एरेन्ज रिकेश गुरुङले गरेका हुन्।
विल्सन विक्रम राई निर्देशित यस फिल्ममा धिरज र मिरुनासँगै दिया पुन, बुद्धि तामाङ, सुनिल थापा, पुष्कर गुरुङ, अभयराज बराल, माउत्से गुरुङ, कविता आले, रजनी गुरुङ, प्रेम सुब्बा, उदय सुब्बा, अनिल सुब्बा, भूपेन्द्र लिङदेन र विशाल लिम्बु लगायतका कलाकारको अभिनय छ।
‘तक्मे प्रोडक्सन’को ब्यानरमा बनेको फिल्ममा अनमोल गुरुङ र तोरेम्पाहाङ राईको संगीत रहेको छ। आरआर फिल्म्सले वितरण गर्ने ‘मैझारो’ आगामी कार्तिक ७ गतेदेखि अल नेपाल रिलिज हुँदैछ।
