काठमाडौं । जेनजी आन्दोलनपछि विकसित राजनीतिक परिस्थिती र सुरक्षा चुनौतीलाई कारण देखाउँदै प्रसिद्ध बलिउड तथा हलिउड अभिनेता देव पटेलले आगामी फिल्म ‘पिजेन्ट’को नेपाल छायांकन स्थगित गरेका छन् ।
चर्चित भारतीय वेब-पोर्टल मिड-डेले यसबारे समाचार लेखेको छ ।
नेपाल छायांकन स्थगित गरेका उनले नोभेम्बरमा मुम्बईमा छायांकन गर्ने विवरणमा जनाइएको छ । पटेलको निर्देशन र शीर्ष भूमिका हुने यो फिल्मको छायांकन महाराष्ट्र र राजस्थानका दुर्गम थलोमा हुने उल्लेख छ ।
