पहिरोमा मृत्यु भएका ६ खेलाडीको घटनालाई लिएर छानबिन आयोग गठन गर्नुपर्छ : कमल थापा

काठमाडौँ । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले मकवानपुर जिल्लाको इन्द्र सरोवर गाउँपालिका वडा नम्बर ३ स्थित एन्फा वात्सल्यदेबी एकेडेमीमा पहिरोमा परी ६ जना बाल खेलाडीको निधन भएको घटनालाई लिएर सरकारले छानबिन आयोग गठन गर्नु पर्ने माग गरेका छन् ।

अध्यक्ष थापाले सोमबार सामाजिक सञ्जाल फेसबुकमा एक स्ट्याटस लेख्दै उक्त घटनालाई लिएर अखिल नेपाल फुटबल संघ (एन्फा) प्रति व्यङ्ग्य पनि गरेका छन् । उनले २०४५ सालमा काठमाडौँको त्रिपुरेश्वरस्थित दशरथ रंगशालामा दुःखद घटना हुँदा आफूले नैतिकताका आधारमा एन्फाको अध्यक्ष पदबाट राजीनामा दिएको प्रसंग पनि उल्लेख गरेका छन् ।